Kirish Ro'yhatdan o'tish

Saytga kirish

Nomingiz *
Parol *
Eslab qol

Ro'yhatdan o'tish

(*) belgiga ega joylarni to'ldirish shart.
Ism *
Nomingiz *
Parol *
Parolni tasdqilash *
Email *
Email tasdiqlash*
Captcha *

Tug'ish kunini aniqlash

Oxirgi hayz boshlangan sanani kiriting:

Sizda hayz sikli odatda qancha davom etadi:

homiladorlikning 21 haftasi

Onaning holati

Keyingi 10 hafta davomida bola yog' saqlashni boshlagani uchun sizning vazningiz tez ko'payishni boshlaydi. Bu davrda vazningiz oshish darajasi butun homiladorlik davomida orttirilgan vazn miqdorining yarmiga teng bo'ladi. 

Undan tashqari sizning ishtahangiz oshayotganini sezasiz, chunki hozir organizmdagi modda almashinuvi 500 kaloriyaga ko'proq ozuqa talab qilmoqda. Yaxshi ovqatlaning, faqat yo'gli mahsulotlar va shirinliklardan kamroq yeyishga harakat qiling. Birdan g'alati narsa yegingiz kelib qolsa, hayron bo'lmang. Ba'zi ayollar qum yegisi kelib qolishi ham mumkin. Bu shunchaki homiladorlikning qiziq tomonlari, xolos. Bachadonning yuqori qismi taxminan kindikdan 1.25 sm balandroqda. Sizning ko'kraklaringiz ancha kattalashgan. Ba'zi ayollarda ko'krak uchidan suyuqlik ajralishi kuzatiladi. Uni toza chit mato bilan artib tashlang. Aslo siqmang.
Sizing soch va tirnoqlaringiz juda tez o'smoqda. Oldin o'smagan joylarda ham soch o'sishi kuzatilishi mumkin.
Beldagi og'riqlarni kamaytirish maqsadida quyidagilarni bilib olganingiz ma'qul:
Og'irlik ko'tarmaslikka harakat qiling. Agar ko'tarish talab etilsa, u holda oyoqlaringizni keng ochib, belni egmasdan tizzangizni bukkan holda o'tiring va og'irlik kuchi oyoqlarga tushishini ta'minlab ko'taring.
Og'irlikni ikki qo'lga bo'lib olib ko'taring.
Birdaniga og'ir yukni ko'tarib olmang. Asta-sekin shoshmasdan harakat qiling.
Agar orqa tomon (anus)dan qon chiqishi kuzatilsa, qo'rqib ketmang. Orqadan qon chiqishiga odatda gemorroy sababchi bo'ladi. Gemorroy homilador ayollarda qon tomirlarining kengayishi natijasida va ich qotishi tufayli ko'p uchrab turadi.
Gemorroy va tomilarning kengayishini oldini olish uchun quyidagilarga rioya qiling:
Ich qotishini oldini oling, buning uchun ko'proq meva va sabzavotlardan, turshak va olxo'ri sharbatlaridan iste'mol qiling.
To'g'ri ichak tomirlariga og'irlikni kamaytirish maqsadida yon tomoningizda uxlang.
Uzoq vaqt mobaynida turmang, o'tirmang.
Ichingiz kelayotganda qattiq kuchanmang;
Homiladorlik davrida klizmadan foydalanish aslo mumkin emas, chunki homila tushishiga, bachadon mushaklari bo'shashib ketishiga olib kelishi mumkin.
Kun davomida oyoqlaringizni ko'targan holda ko'p dam oling.
Bu kichik qiyinchiliklar odatda homiladorlikdan so'ng o'tib ketadi.

Bolaning holati
Bolaning uzunligi 25 sm atrofida

Og'irligi 360-370 gramm
Uning qonida qizil moddalarning miqdori yetarlicha bo'lib, endi oq qon hujayralari ham ishlab chiqarilmoqda. Ular infeksiyalar bilan kurashishga yordam beruvchi moddalardir.
Bolaning tilida ta'm aniqlovchi a'zolari shakllanmoqda. Uning peshonasi, labining yuqori qismida momiqni aniq ko'rsa bo'ladi. Ayniqsa qosh va ko'zlari atrofida momiq miqdori juda ko'p. Yuzning aynan shu qismi dastlabki chaqaloq moyi bilan ko'p qoplangan. Bu moy o'tgan haftadan beri ishlab chiqilmoqda. Uning ko'zlari hali ham qovoqlar ostiga berkitilgan. Hozirgi davrda bolaning jinsini aniq bilsa bo'ladi. Lekin ba'zi bolalar oyoqlarini berkitib olib, jinsini bildirishni istamaydilar. U homila oldi suvlarida tez harakat qilmoqda. Ushbu trimestrning oxiriga kelib bola bir pozitsiyaga o'rnashishni boshlaydi. Odatda, bola boshi bilan tug'ilish yo'llari tomon qaragan bo'ladi. Ba'zida taxminan 3-4% homilador ayollarda bola qin tomonga dumbasi yoki tosi bilan qaragan bo'lib qolishi mumkin.
Bolaning hazm qilish tizimi yetarlicha shakllanib bo'lgani uchun endi u homila oldi suvlaridan ichib yuborganda undagi qand ajralib, ichaklariga shimirilmoqda.
Bu ovqatlanishning yangi usuliga o'tishdagi birinchi qadam. Albatta, hozirgi kunda hali ham bolani asosiy ozuqa moddalari bilan yo'ldosh ta'minlab kelmoqda. Shu davrga qadar qon yaratilish funksiyasini jigar va selezyonka bajargan bo'lsa, endi bu jarayonga suyak miyasi ham rivojlanib qo'shilmoqda.

muxokama

Buni ham o'qib ko'ring